Muqdisho, Arboco, 01 September 2010, (Hillaac.Net) Sargaal ka tirsanaa DKMG ah oo magaciisa ku sheegay Cabdiraxmaan Axmed Cabdi ayaa maanta waxaa lagu soo bandhigay gudaha magaalada Muqdisho isagoo wata dirayskii iyo qalabkii uu ku howlgali jiray, Cabdiraxmaan wuxuu warbaahinta u sheegay in uu yahay sargaal ka tirsanaa ciidamdii DKMG ah ee lagusoo tababaray dalka Jabuuti oo ay soo tababareen Ciidamo Faransiis ah, Isagoo xusay in isaga iyo Rag kale tababar gaar ah la siiyay kadibna gudaha dalka la keenay.

Muqdisho, Arboco, 01 September 2010, (Hillaac.Net) Wararka laga helayo Xafiiska Ra'isulwasaare Cumar Cabdi Rashiid ayaa sheegaya in Ciidamada Ugandha ay ishortaageen Safar uu Cumar Cabdirashiid ku doonayey in uu ku aado Magaalada Nairobi ee Waddanka Kenya, Safarka Ra'isulwasaaraha oo ahaa mid horay u sii qorsheysnaa isla markaana uu ku tegi lahaa Dhowr Waddan oo sida la sheegay uu kaga qeybgeli lahaa Maalinta Nabadda Adduunka oo ku aaddan Bisha Septembar ayey Ciidamada Ugandha si dadban isuhortageen iyagoo diiday in ay Ra'isulwasaaraha ka galbiyaan Madaxtooyada oo ay geeyaan Airaboorka, Iyadoo Diyaaraddii qaadi lahaydna ay taagneyd.

Muqdisho, Talaado, 31 August 2010, (Hillaac.Net) Warbixin Sannadle ah oo ay Magaalada Kampala kasoo saareen Mucaaradka Ugandha ayey ku kashifeen in Askarta Ugandha ee loo soo diray Dalka Soomaaliya 2000 kamid ah ay qabaan Cudurka Aidska ah, Iyagoo Mucaaradka Warbixinta soo saarayna Madaxweynaha Waddankaas Ugandha ku eedeeyay in Dhallinyaro Reer Ugandha ah oo qaba Cudurka AIDSka oo ku xareysnaa Xerooyin ku yaalla halka lagu magacaabo JILJA oo lagu baxnaaninayey uu u soo diray Dagaalka ka soconaya Dalka Soomaaliya.

SII AQRI OO DHAGEYSO WARBIXINTA OO FAAHFAAHSAN.

Muqdisho, Isniin, 30 August 2010, (Hillaac.Net) Taliska Ciidamada AMISOM ee Magaalada Muqdisho ayaa Caawa Qirtay in Madaafiic ku soo dhacday Xarunta Madaxtooyada ay kaga geeriyoodeen 5 Askari oo ka tirsan Ciidamada AMISOM, Iyagoo sidookalena sheegay in ay Madaafiicdaasi ay Ciidamo kale kaga dhaawacmeen.

Muqdisho, Isniin, 30 August 2010, (Hillaac.Net) War shalay ay Idaacadda Shabelle baahisay oo ahaa in Ciidamada DKMG ah ay dib u qabsadeen Mowlicii Macallin Nuur ayey Maanta Xarakada Alshabaab Beeniyeen Iyagoo sidookalena Warbaahinta Maxalliga ah iyo kuwa Dibeddaba ku martiqaaday Mowlacaas Macallin Nuur oo shalay sida Afhayeenka Booliska DKMG ah Bariise uu sheegtay in ay iyagu dib u qabsadeen.

Muqdisho, Isniin, 30 August 2010, (Hillaac.Net) Iyadoo Maanta uu Dagaal aad u culus ka dhacay Aagga Hotel Jubba oo sida la sheegay ay Ciidamada AMISOM weerar ay u adeegsadeen Taangiyada Dagaalka ku soo qaadeen ayaa Faahfaahin uu Dagaalkaas ka bixiyey Afhayeenka dhinaca Ciidamada Alshabaab waxa uu sheegay in ay jebiyeen Ciidamadii AMISOM ee isku dayey in ay Go'doonka ay ku jiraan iska bixiyaan, Isagoo intaa ku daray in ay Askar badan ka laayeen oo ay Meydkooda gurbiskiisa ay Shaqo culus ku noqotay, Waxana uu Afhayeenku intaas ku daray in tiro intaas ka badan oo Ciidanka AMISOM ahna ay ku dileen Gudaha Madaxtooyada oo uu sheegay in ay Gantaallo la heleen iyagoo halkaas isku diyaarsanayey.

Muqdisho, Isniin, 30 August 2010, (Hillaac.Net) Afhayeenka Garab ka mid ah Odayaashii Hawiye ayaa Markale ku celiyey Dhaleeceyntiisii uu Xarakada Alshabaab ku eedeeynayey Caqli-Xumi uu sheegay in ay ku doonayaan Qabsashada Madaxtooyada, Dekedda, Iyo Airaboorka Muqdisho, Isagoo Arrintaas ku tilmaamay Riyo Maalmeed, Axmed Diiriye ayaa yiri "War Nimanku soow ma oga in Ciidanka AMISOM oo 5000 ka badan watana Hub Casri ah oo isugu jira Kaarayaal, BM, Iyo Beebayaalba ay Madaxtooyada Difaacayaan, Waxan u sheegayaa in aaney Wiilashaas ku leyn Godadka u dhexeeya Isgoyska Dabka iyo Madaxtooyada u maleyn maayo in ay Qabsan karaan Madaxtooyo Amaba ay Waddada Makka-Almukarama soo dhaafi karaane" Ayuu yiri Axmed Diiriye oo Shabaab ku eedeynaya Caqlixumo iyo Awood aaney lahayn oo ay isbideen sida uu sheegay.

Muqdisho, Isniin, 30 August 2010, (Hillaac.Net) Afhayeenka Ciidamada Xarakada Alshabaab ayaa ka warbixiyey Goobo horleh oo ay kala wareegeen Ciidamada DKMG ah, Goobahaas oo uu Afhayeenku sheegay in ay aad Muhiim ugu ahaayeen, Waxana uu Afhayeenku sidoo kale qeexay in ay Houmar weyn ka sameeyeen Dagaalladii ay Todabaadka ku wadeen Ciidamada AMISOM iyo kuwa DKMG ah.

SII AQRI OO DHAGEYSO.

Muqdisho, Axad, 29 August 2010, (Hillaac.Net) Ciidamada AMISOM ayaa Maanta Mar qura Madaafiic ku hoobiyey Suuqa Bakaaraha Xilli Dad badan oo Shacab Soomaaliyeed ah ay halkaasi usoo dukaameysi tageen Iyadoo Subaxii hore ee Maanta aysan Wax Dagaallo ah soconin Degganaansho yarna ay ka jireen Goobihi la'isku horfadhiyey.

Muqdisho, Axad, 29 August 2010, (Hillaac.Net) Xaaladda Magaalada Muqdisho ayaa Maanta Deggan Iyadoo uusan haatan ka socon wax Dagaal ah oo Fool-kafool ah oo u dhexeeya Dhinacyadii Maalmihii la soo dhaafay ku dagaallamayey, Xarakada Alshabaab ayaa Dhufeysyo Adag ka sameystay Goobihii ay kala wareegeen Ciidamada DKMG ah iyo AMISOM, Waxana jira Dhaqdhaqaaqyo hor leh oo ay labada dhinac isugu diyaargaroobayaan oo Magaalada laga dareemayo.

Muqdisho, Sabti, 28 August 2010, (Hillaac.Net) Wariyayaal ka tirsan Idaacadaha Maxalliga ah ee Muqdisho ayaa Maanta lagu martiqaaday inay soo arkaan goobihii Ciidamada Shabaabul Mujaahidiin ay Maalmihii la soo dhaafay kala wareegeen Ciidamada DKMG ah, Kuwa Ahlusunna, Iyo AMISOM, Iyadoo sidoo kalena Madaxda Alshabaab qaar ka tirsan ay Shirjaraa'id ku qabteen Goobihii ay Wariyayaasha ku qaabileen qaarkood.