Muqdisho, Arboco, 21 July 2010, (Hillaac.Net) Ummadda Soomaaliyeed waxaa sodonkii sano ee la soo dhaafay soo martay colaad sokeeye iyo shisheeye  oo taabsiisay xanuun gundheer dhaxalsiiyeyna  halaag nafeed, bur-bur hantiyeed, barakac dhuleed, iyo bahdil sharafeed. Waxaan qoraalkan uga jawaabayaa dhowr su’aalood oo ka dhashay  musiibada ina haysatay waqtigaas dheer.

Muqdisho, Arboco, 21 July 2010, (Hillaac.Net) C/raxmaan Faroole oo u warramayey Idaacadda Codka Maryakanka ee ku hadasha Afka Soomaliga ee VOA ayaa qirtay in Dadka Koonfur ka soo jeeda ay ka ugaarsanayaan Deegaannadooda, Isagoo weliba Ficilkaas ku sheegay inuu sax yahay In la raafo oo lagu celiyo Goballada ay ka soo jeedaanna ay lamahuraan tahay, Waxana uu Faroole ku dooday in Soomaalida Nin kasta Gobal u dhashay oo ay kala Gobal tahay, Faroole wuxuu intaas ku daray in dadka koonfur ka imaanaya dhammaantood ay yihiin Dad Fidnawadayaal ah oo Argagaxisada la shaqeeya loona soo tababaray in ay Puntland burburiyaan sida uu Hadalka u dhigay.

SII AQRI OO DHAGEYSO.

Muqdisho, Arboco, 21 July 2010, (Hillaac.Net) Xarakada Alshabaab ayaa maanta soo bandhigay Saraakiil ka tirsanaa Ilaalada madaxtooyada oo isku soo dhiibay dhankooda Iyadoo weliba mid ka mid ah Saraakiishaasi uu Warbaahinta Muqdisho la hadlay una sheegay Sababaha ay isku soo dhiibeen oo uu ku sheegay in ay ka qanceen Qaabdhaqanka Ciidamada AMISOM oo uu sheegay in ay Jirdil u geystaan Ciidamada Soomaalida ah ee la shaqeeya, Waxa kale oo uu Sargaalkaas sheegay in ay Dhowr Dagaal oo ay la galeen Xarakada Alshabaab iyagoo dhowr Taangi oo Ciidamada AMISOM ay ledahay ay la socdaan ay ceyrsadeen Wiilalal AK47 wata, halkaana ay ka ogaadeen in Xaqa iyo Baadilku aaney marnaba isku mid ahayn, kuna qanceen in Xagooda aanu jirin Xaqa.

SII AQRI OO DHAGEYSO.

Muqdisho, Arboco, 21 July 2010, (Hillaac.Net) Xildhibaan Cabdi Cabdullaahi Bood oo ka mid ah Xildhibaannada Baarlammaanka islamarkaana sida joogtada ah uga shaqeeya Xarunta Madaxtooyada ayaa maanta aad uga calaacalay in Madaxtooyadii Villa Soomaaliya Foodda lagelin la'yahay oo Xitaa Waraaqihii Saxiixa loo doonayey lana geyn la'yahay kuwa horay u yiillayna laga soo qaadi la'yahay, Xildhibaan Bood ayaa sidoo kale sheegay in Shaqaalihii Madaxtooyada iyo weliba Ilaaladiiba ay ku dhaawacmayaan Gudaha Madaxtooyada oo aaney Madaxa kor u qaadi karin in ay Howl qabtaan iska daaye.

Muqdisho, Arboco, 21 July 2010, (Hillaac.Net) Iyadoo Dagaalkii ka socday Degmada Boondheere illaa Shalay aaney wax horumar ah ka sameynin Labada dhinacba islamarkaana lakala joogo halkii ay Ciidamadu kala joogeen ayaa Afhayeenka Ciidamada Alshabaab waxa uu Saxaafadda u sheegay in Saraakiil aad u hubeysan oo ka tirsanaa Ilaalada Madaxtooyada ay dhankooda isku soo dhiibeen.

Muqdisho, Talaado, 20 July 2010, (Hillaac.Net) Inkatoo Maanta aaney jirin wax dagaal fool ka fool ah oo ka dhacay Degmada Boondheere ayaa misana Rasaas goos goos ah ay weli isweydaarsanayaaan Ciidamada halkaa iskuhorfadhiya, Iyadoo weliba Ciidamada Ugandha iyo Burundi ay weli Madaafiic aad u culus ku garaacayaan Xaafadaha Magaalada Muqdisho Madaafiicdaasoo ku dhacaya goobo ka fog fog halka ay Ciidamadu isku hor-fadhiyaan.

Muqdisho, Talaado, 20 July 2010, (Hillaac.Net) Shacab ka soo jeeda Koofurta Soomaaliya oo tiradooda lagu qiyaasay illaa 500 oo qofood ayaa laga qabqabtay Waddooyinka magaalada Boosaaso, Iyadoo Dadkaasina ay Gawaari qafilan ku qafaallayaan Ciidamada loo yaqaanno PIS ee ka howlgala Deegaannada Puntland.

Muqdisho, Isniin, 19 July 2010, (Hillaac.Net) Dagaalkii Maanta markale ka dhacay Degmada Boondheere ayaa sida Wararku nagu soo gaarayaan Waxa uu soo gabagaboobay iyadoo Xarakada Alshabaab ay iska waabiyeen dibna u celiyeen Ciidamada AMISOM oo kaashanayey kuwa DKMG ah oo aad ugu mintiday Maanta in ay soo ceshadaan gacankuhayntii Degmada Boondheere oo shalay Gacantooda ka baxday, Waxana Haatan Degmada Boondheere ku sugan dhanka Madaxtooyadana isku sii Ballaarinaya Xoogagga Alshabaab oo weliba Illinka hore ee Madaxtooyada si toos ah ugu jeeda Shiishna uu u saaranyahay sida ay xaqiijiyeen Saraakiil ka tirsan Alshabaab oo Warbaahinta caawa la hadlay.

Muqdisho, Isniin, 19 July 2010, (Hillaac.Net) Dagaallo ba'an oo u dhexeeya Xarakada Alshabaab iyo Ciidamada DKMG ah oo kaashanaya kuwa AMISOM ayaa dib uga qarxay Magaalada Muqdisho, Iyadoo Madaafiic aan kala joogsi lahaynna ay ku socdaan dhammaan Xaafadaha Magaalada Muqdisho oo ay ku jiraan Xaafado uusanba Dagaal u dhaweyn.

Muqdisho, Axad, 18 July 2010, (Hillaac.Net) Madaafiic aan kala joogsi lahayn ayaa caawa sidii Roobkii ugu socota Dhammaan Xaafadaha Magaalada Muqdisho Iyadoo Shacabkii ku haray Magaalada Muqdisho ee farakutiriska ahaa ay ay Xamili waayeen islamarkaana ay hadba dhinac u yaacayaan, Madaafiicdan oo ah kuwa BMka ayaa laga soo tuurayaa Madaxtooyada, Waxana Duqeymahani ay billowdeen kadib markii Dagaal Galabta billowday oo ka dhacay Xaafadda Boondheere ay Xarakada Alshabaab ugu suuragashay in ay la wareegaan Gebi'ahaanba Xaafadaas Boondheere oo ku taalla madaxtooyada hoosteeda.

Muqdisho, Axad, 18 July 2010, (Hillaac.Net) Dagaal culus oo galabta Saacaddu markii ahayd 17:30pm ka billowday degmada bondheere ayaa caawa fiidkii soo gabagaboobay iyadoo Xarakada Alshabaab ay u suuragashay in ay la wareegto goobo muhiim ah oo ka tirsan degmada Boondheere oo ay ku jiraan Wasaaraddii hore ee Arrimaha Gudaha, Safaaraddii Talyaaniga iyo Xarunta Degmada Boondheere ee Magaalada Muqdisho.