Sida ay sheegayaan wararka inaga soo gaaraya Wadada Maka Al- Mukarama, gaar ahaan nawaaxiga Daarta Xaaji Baasto, Qarax gaari ayaa goor dhaweyd halkaasi ka dhacay.

Qaraxan oo ahaa gaari waxyaabaha qarxa lagu xiray, ayaa markii uu dhacay waxaa ka dhashay dab, waxaana wararka ay sheegayaan in dabkaasi uu saameeyay laba gaari kale oo ag yaalay gaariga qarxay.

Lama oga Khasaaraha ka dhashay qaraxaasi gaari ee ka dhacay agagaarka Daarta Xaaji Baasto ee Wadada Maka Al-Mukarama.

Ciidamada Booliska ayaa xiray goobta qaraxa uu ka dhacay, waxaana socda Baaritaan, iyadoo ay gubanayaan gaadiidkii uu qaraxaasi saameeyay.

Wadooyinka Muqdisho oo ah kuwa xiran, ayaa Magaalada gudaheeda waxaa ka dhacaya falal lidi ku ah dhanka ammaanka oo ay gaysanayaan Al Shabaab.

Let’s block ads! (Why?)

NAGALA SOO XIRIIR:- WEBMASTER@HILLAAC.NET AMA FORMKA HOOSE RIIX BUUXI OO TOOS NOOGU SOO DIR