WASHINGTON(HALBEEG)-Ergeyga Mareykanka u qaabilsan Qaramada Midoobay, Richard Mills, ayaa sheegay in soo jeedinta guddigii ka koobnaa 14-ka xubnood ay si cad u qeexeyso habka ay tahay in loo xalliyo khilaafka doorashada.

“Talooyinka kasoo baxay guddigii farsamo ee Baydhabo waxay bixinayaan qaab-dhismeed cad oo lagu xallinayo caqabadaha siyaasadeed ee halista ku ah mustaqbalka Soomaaliya,” ayaa lagu yiri qoraal lagu daabacay bogga Twitterka ee Ergeyga Mareykanka u qaabilsan Qaramada Midoobay.

Richard Mills ayaa sidoo kale sheegay in doorasho aan loo dhameyn ama mid fowda ah oo ay kamid tahay dowlad kumeel gaar ah ay sii siyaadineyso culeyska jira, dib u dhacna ku tahay Soomaaliya.

Dhanka kale wakiilka Qaramada Midoobay ee Soomaaliya, James Swan, ayaa khudbad u ka jeediyay ay Isniintii Golaha Ammaanka ee Qaramada Midoobay ka yeesheen xaaladda Soomaaliya waxaa uu kaga hadlay xiisadda sii adkaaneysa ee ka taagan dalka, wuxuuna sheegay waxyaabaha dalka ka dhacaya ay khatar ku yihiin dib u dhiska dowladnimada, haddii aanan lagu xallinin wadahadahal.

“Ismari waaga ka dhex taagan hogaamiyeyaasha Soomaalida wuxuu hor istaagay hirgelinta heshiiskii doorashada ee 17-kii Sibtembar, hannaakas waxaa ansixiyay labada aqal ee baarlamaanka, waxaan taageeray dhinacyada siyaasadda balse hirgelintiisa ayay caqabad ka taagan tahay,” ayuu Swan u sheegay Golaha Ammaanka ee Qaramada Midoobay.

Sidoo kale wasiirka arrimaha dibedda ee Soomaaliya, Maxamed Cabdirisaaq, ayaa sheegay in dhankooda ay diyaar u yihiin hirgelinta waxyaabihii kasoo baxay Baydhabo balse maamullada Jubbalaan iyo Buntilaan ay caqabad ku yihiin heshiiskaas, isagoona intaa raaciyay in ay diideen inay yimaadaan shirkii uu ku baaqay madaxweynaha.

Muqdisho waxaa haatan ku sugan madaxda maamul goboleedyada GalMudug, HirShabeelle iyo Koofur Galbeed kuwaas oo maalmahan kulan la lahaa madaxweynaha iyo ra’iisal wasaaraha dowladda Federaalka.

Kulanka waxaa ka maqan madaxda Puntland iyo Jubaland, waxaana maamulka Jubaland uu shuruudo horleh ku xiray ka qeybgalka shirkaas oo ay kamid tahay in madaxweynaha aanu kaalin ku yeelan hannanka doorashooyinka.

Muddo xileedka madaxweyne Farmaajo oo afar sano ahayd ayaa ku ekeyd 8-ddii February. Mucaaradku waxay sheegeen ina ysan madaxweynaha aqoonsaneyn. Dowladduse waxay sheegtay in madaxweynahu xilka heyn doono ilaa inta laga dooranayo maamul cusub mana jiro waqti la og yahay oo ay doorashada dalku dhici doonto.


Post Views:
29

Let’s block ads! (Why?)

NAGALA SOO XIRIIR:- WEBMASTER@HILLAAC.NET AMA FORMKA HOOSE RIIX BUUXI OO TOOS NOOGU SOO DIR

LIKE US