(Madrid) 14 Ok 2021. Kooxda kubadda cagta Real Madrid ayaa lagu soo warramayaa inay lambarka koowaad ee xiddigaha ay dooneyso inay difaaceeda ku xoojiso ka dhigtay xiddiga kooxda Chelsea ee Antonio Rudiger.

Madrid ayaa la tacaaleysa dhibaatooyin dhaawac oo dhanka difaaca ah, iyadoo haatan dooneysaa inay dookhyada Macallin Carlo Ancelotti kusoo biiriso Rudiger, waxaana uu wargeyska MARCA ku sababeeyay labo arrimood.

Tan koowaad oo ah dhaqaalaha kaga baxaya saxiixa difaaca reer Germany maadaama uu qandaraaskiisa dhici doono dhammaadka xilli ciyaareedkan, waxay ku heli kartaa qiimo jaban suuqa Janaayo ee bartamaha xilli ciyaareedkan ama waxay ku heli kartaa bilaash marka la gaaro xagaaga 2022.

Sababta labaad ee uu wargeyska Spain kasoo baxa ku sababeeyay ujeeddooyinka ay Los Blancos diiradda u saareyso saxiixa xiddigii hore ee AS Roma ayaa ah inuu yahay 28-sano jir isla markaana leh khibrad ku filan iyadoo ay xusid mudan tahay inuu ku jiro waayihiisii ugu wacnaa xirfaddiisa kubadda cagta.

Gool FM.

NAGALA SOO XIRIIR:- WEBMASTER@HILLAAC.NET AMA FORMKA HOOSE RIIX BUUXI OO TOOS NOOGU SOO DIR

LIKE US